АҚШ жануби-ғарбида уч ҳафтадан буён ўрмон ёнғинлари давом этмоқда

Ёнғин 6 апрел куни Нью-Мексиконинг бешта турли нуқтасида бир вақтнинг ўзида бошланганди.

Фото: Reuters

АҚШнинг Нью-Мексико штатида авж олган ўрмон ёнғинлари давом этмоқда.

Мамлакатдаги энг йирик ёнғин 6 апрел куни Нью-Мексиконинг бешта турли нуқтасида бир вақтнинг ўзида бошланганди. Олов Санта-Фе шаҳригача етиб келди. Ёнғинлар тарқалган ҳудуд 303 кв. километрни ташкил этади.

Нью-Мексико штати аҳолисининг бир қисми эвакуация қилинди.

Кучли шамол ва қуруқ ҳаво ёнғинни ўчиришни қийинлаштирмоқда. Олов кутилганидан кўра тезроқ тарқалмоқда.

Ёнғинни ўчиришга 2 минг нафар ўт ўчирувчи қутқарувчилар жалб этилган.