Украина собиқ президенти Петро Порошенко мамлакатдан чиқишга муваффақ бўлди. Бу ҳақда унинг "Европейская солидарность" партияси депутати Виктория Сюмар хабар берди.
"Петро Порошенко Европа халқ партияси саммитига жўнаб кетди", - деб ёзди у Facebook саҳифасида.
28 май куни Порошенко икки марта Полша чегараси орқали мамлакатдан чиқиб кетишга уринганди.
Украина нашрларининг ёзишича, Петро Порошенко паспорт назоратидан ўтаётганида унга берилган сафар гувоҳномасидаги QR-кодни ўқиш ва ҳужжатнинг ҳақиқийлигини аниқлашнинг имкони бўлмаган. Шу боис унга чегарани кесиб ўтишга рухсат берилмаган.
Собиқ президент давлатга хиёнат ва терроризмга алоқадорликда гумон қилинган.
