Хитой ҳукумати Тайваннинг 100дан ортиқ компаниялари озиқ-овқат маҳсулотларини импорт қилишни тўхтатди. Бу ҳақда Тайван марказий ахборот агентлиги хабар берди.
Бу Тайбэйга АҚШ Конгресси вакиллар палатаси спикери Нэнси Пелосининг ташрифига жавоб чораси сифатида изоҳланмоқда.
1 август куни Тайван қишлоқ хўжалик қўмитаси оролдаги озиқ-овқат компанияларининг маҳсулотлари импорти тўхтатилгани тўғрисида маълумот олган.
Хабарда айтилишича, “қора рўйхат”га чой, қуритилган мевалар, асал ва бошқа озиқ-овқат маҳсулотлари ишлаб чиқарувчи компаниялар киритилган.
Хитой ҳукумати бир неча бор АҚШни Пелосининг Тайванга ташрифини бекор қилишга чақирди.
Маълумотларга кўра, Нэнси Пелоси Тайбэйга 2 август куни маҳаллий вақт билан соат 22:30 (Тошкент вақти билан 19:30)лар атрофида қўниши мумкин.
