Ўзбекистон телефонларни энг кўп импорт қилган давлатлар орасида Хитой етакчилик қиляпти

Ўзбекистонга 2022 йил январ-август ойларида хориждан қиймати 123 млн AҚШ долларига тенг бўлган 1 925 876 дона мобил телефон импорт қилинган.

Давлат статистика қўмитаси маълумотларига кўра, Ўзбекистон 13 та давлатдан телефон импорт қилган. 
 
Ўзбекистон 8 ой мобайнида мобил телефонларни энг кўп импорт қилган давлатлар орасида Хитой етакчилик қиляпти – 1,4 млн дона.

Ушбу кўрсаткич қолган давлатлар кесимида қуйидагича кўриниш олди:

• БАА – 239 минг дона; 
• Вьетнам – 148 минг дона;
• Ҳиндистон – 127 минг дона;
• Қозоғистон – 25 минг дона;
• Корея – 2,1 минг дона.