Олий таълим муассасасини тугатганлик тўғрисидаги диплом маълумотларини электрон шаклда олиш учун diplom.edu.uz ахборот тизими ишлаб чиқилди.
Олий таълим вазирлиги хабарига кўра, тизим қуйидаги жараёнларни ўз ичига олади:
- битирувчилар диплом маълумотлари киритилади ва тасдиқланади;
- диплом маълумотлари мавжуд бўлмаганда битирувчилар Ягона идентификация тизими – ОneID орқали рўйхатдан ўтиб, маълумотларни киритади.
- Қайд этилишича, олийгоҳ диплом маълумотлари тўғрилигини тасдиқлайди.
Платформа бошқа давлат идоралари ахборот тизимлари билан интеграция қилинган. Бунда маълумотлар автоматик тарзда шаклланади ва диплом маълумотларини киритиш талаб этилмайди.
