Американинг Maxar компанияси сунъий йўлдош тасвирлари асосида Мариупол яқинида 1500 дан ортиқ янги қабрларни аниқлади (уруш бошидан буён экспертлар шаҳар ва унинг атрофида ҳарбий ҳаракатлар чоғида ҳалок бўлган 4600 дан ортиқ киши қабрини аниқлаганди).
Россия томони Украина қуролли кучлари «Донецк темирйўллари» маъмурияти биносини ўққа тутганини маълум қилди, жабрланганлар ҳақида хабар берилмаган.
Владимир Путин сафарбар қилинганларнинг 80 мингдан ортиғи фронтга юборилганини маълум қилди, улардан 50 мингдан ортиғи ҳарбий ҳаракатларда иштирок этишни бошлаган.
Херсон областининг аннексия қилинган қисмига Россия томонидан тайинланган маъмурият «Днепрнинг ўнг соҳилидан фуқароларни эвакуация қилиш жараёни якунлангани»ни маълум қилди.
Приморье ўлкаси губернатори Олег Кожемяко Тинч океани флоти денгиз пиёдалари 155-алоҳида гвардия бригадаси Украинада катта йўқотишларга учрагани ҳақидаги хабарга муносабат билдириб, прокуратурадан бу маълумотни текширишни сўради. Россия мудофаа вазирлиги 155-бригаданинг Украинадаги йўқотишлари хабарларда айтилганидек катта эмаслигини маълум қилди.
Украина разведкаси Россия уруш давомида замонавий ракеталари захирасининг 80 фоизини сарфлаб юборганини хабар қилди.
Украинага Норвегия ва Америка ҳамкорлигида ишлаб чиқарилган NASAMS зенит-ракета комплекслари ва испанларнинг Aspide тизимлари етиб келди.
Қуйида 7 ноябр куни Украинанинг турли ҳудудларида олинган суратлар.
Донецк темирйўллари офисига зарба
«Донецк темирйўллари» маъмурияти тунги зарбалар оқибатида ёнғин келиб чиққанини маълум қилди. Россия таъсиридаги маъмуриятнинг тасдиқлашича, Украина қуролли кучлари бинога HIMARS тизими орқали камида бешта снаряд билан зарба берган. Жабрланганлар ҳақида маълумот йўқ. Украина ҳодиса юзасидан изоҳ бермади.
Николай Тришин / ТАСС«Донецк темирйўллари» офиси ҳудудини тозалаётган муниципал ишчилар
Alexander Ermochenko / Reuters / Scanpix / LETAБалконида Россия байроғи илинган донецклик
Alexander Ermochenko / Reuters / Scanpix / LETA«Донецк темирйўллари» маъмурияти биноси устида кўтарилган тутун. Истилочи ҳукуматга кўра, HIMARS снарядларининг камида иккитаси тўғридан тўғри бинога келиб урилган — деворга ва томга.
Alexander Ermochenko / Reuters / Scanpix / LETA
Лиманда турар жой биносига ҳужум
Ўт ўчирувчилар 7 ноябр куни Россия томонидан берилган зарбалар келиб тушган тўққиз қаватли турар жой биносида ишлашмоқда. Россия истилосидан озод этилган Лиман бир ойдан ошиқ вақт давомида Украина назоратида қолмоқда — Донецк областидаги ушбу шаҳар атрофида жанглар давом этмоқда.
Andriy Andriyenko / AP / Scanpix / LETA
Зарба оқибатида уйнинг бир бурчаги бутунлай вайрон бўлган — биринчидан саккизинчи қаватгача. Қутқарувчилар биринчи қаватдан бир аёлни олиб чиқишган, қурбонлар ва жабрланувчилар ҳақида маълумот йўқ.
Andriy Andriyenko / AP / Scanpix / LETA
Фронт чизиғидаги Авдеевкадаги кундалик ҳаёт
Отишмалар оқибатида шикастланган кўп қаватли уй. Авдеевка — Донецк областида Россия қўшини ҳужум қилаётган шаҳарлардан бири. Россияликлар ушбу шаҳарни эгаллаш учун уни доимий равишда ўққа тутмоқда. 12 октябр куни РФ армияси шаҳар марказий бозорига зарбалар бериши оқибатида 7 киши ҳалок бўлганди.
Oleksandr Ratushniak / Reuters / Scanpix / LETAАвдеевкалик киши велосипедига хода ортмоқда, кейин уни майдалаб, ўтин қилади. Шаҳарда сув, ток ва газ йўқ, урушга қадар 30 мингдан ортиқ киши яшаган шаҳарда, Украина миллий полицияси маълумотига кўра, 1500 киши қолган.
Oleksandr Ratushniak / Reuters / Scanpix / LETAСув тўлдирилган идишлар билан қайтаётган авдеевкалик киши.
Oleksandr Ratushniak / Reuters / Scanpix / LETAАвдеевкадаги кимё заводининг кўриниши, унинг ҳудуди уруш бошидан буён бир неча бор Россия томонидан зарбага учраган. Ҳарбий ҳаракатлар яқинида қолгани учун завод фаолияти тўхтатилган.
Oleksandr Ratushniak / Reuters / Scanpix / LETAАвдеевкада яшовчи аёл ерости бошпанасида.
Oleksandr Ratushniak / Reuters / Scanpix / LETA
Киевда урушдаги ўлжалар сотилаётган дўкон
Киевдаги Ex Team дўконида аввал фаол спорт турлари учун жиҳозлар сотилган. Россия босқини бошлангач бу ерда Украина армияси томонидан ўлжа сифатида қўлга киритилган буюмларни ҳам харид қилиш мумкин. Уларнинг сотувидан тушган пуллар Украина қуролли кучларида хизмат қилаётганлар учун ҳарбий техникалар сотиб олишга йўналтирилади.
Oleg Petrasyuk / EPA / Scanpix / LETAТанкка қарши гранатомётларнинг бўш трубалари
Oleg Petrasyuk / EPA / Scanpix / LETAСотувчи россиялик ҳарбий формасини кўрсатмоқда
Oleg Petrasyuk / EPA / Scanpix / LETA
