Феврал ойи учун инфляция даражаси эълон қилинди

Февраль ойида истеъмол секторидаги товарлар ва хизматлар ўртача 0,5 фоизга ошган.

Фото: Kun.uz

Статистика агентлиги маълумотларига кўра, 2023 йилнинг февраль ойида истеъмол секторидаги товарлар ва хизматлар ўртача 0,5 фоизга ошган.

Истеъмол секторидаги нархларнинг йиллик ўсиш даражаси 12,2 фоизга етди.

2023 йилнинг февраль ойида нархлар ва тарифлар ўсишида етакчи ўринларни озиқ-овқат маҳсулотлари эгаллаб, ой давомида уларнинг нархлари ўртача 0,7 фоизга ошган.

Шу даврда ноозиқ-овқат товарлари нархлари 0,3 фоизга ва аҳолига пулли хизматлар кўрсатиш 0,5 фоизга ошгани кузатилган.

Тайёрлаган: Отабек Матназаров

#статистика #инфляция