Прокуратуранинг икки ходими пора беришда гумонланиб ушланди
Қўлга олинганлардан бири Бош прокуратура катта прокурори бўлса, яна бири Учтепа тумани прокуратураси терговчисидир.
6 май куни Бош прокуратура бошқарма катта прокурори Э.А. ва Тошкент шаҳар Учтепа тумани прокуратураси терговчиси А.Д.лар жиноят иши бўйича гумонланувчи сифатида, процессуал тартибда ушланди.
Бош прокуратуранинг Kun.uz'га маълум қилишича, уларга нисбатан Жиноят кодексининг 168 (Фирибгарлик) ва 28, 211 (Пора бериш) моддалари билан жиноят иши қўзғатилган. Ҳозирда тергов ҳаракатлари олиб борилмоқда.
Бош прокуратура бундай тадбирлар прокуратура органларида коррупцияга қарши курашиш, тизимни нопок ходимларидан тозалаш доирасида амалга оширилаётганини қайд этган. Шунингдек, терговга аралашиш ва тўсқинлик қилиш ҳолатларининг олдини олиш мақсадида ишнинг бошқа тафсилотлар ошкор этилмаслиги маълум қилинди.
Мавзуга оид
11:41
Даштобод темирйўл станцияси бошлиғи пора олган вақтида ушланди
19:30 / 11.09.2024
Бош прокурорнинг камбағалликни қисқартириш сиёсатига масъул ўринбосари тайинланди
19:02 / 09.09.2024
Қашқадарё ва Жиззахда пора олган экология ва қурилиш мутахассислари ушланди
14:10 / 04.09.2024