Тошкент шаҳридаги Йўл-патруль хизмати ходимлари янги BMW мотоциклларини бошқариш ва уларга хизмат кўрсатиш бўйича ўқитилмоқда. Амалий машғулотлар Германиядан келган мутахассислар томонидан олиб бориляпти.
Видеодан кадр
Тошкент шаҳар йўл ҳаракати хавфсизлиги хизмати Германиядан милтилловчи маёқлар, олд қисмида нур тарқатувчи STOP ёзуви ва бошқа жиҳозларга эга янги BMW хизмат мотоцикллари партиясини олди. Ўзбекистон ИИВ ЙҲХХ матбуот хизмати хабарига кўра, уч турдаги мотоцикллар келтирилди.
Ҳозирда Германиядан икки нафар мутахассис Йўл-патруль хизмати ходимларини транспорт воситаларини бошқариш ва уларга хизмат кўрсатиш бўйича ўргатмоқда.
«Мотоциклларда хизмат вақтида фойдаланиш учун кўплаб қулайликлар мавжуд. Замонавий жиҳозлар, яхши тормоз тизими», - дейди мото-гуруҳ инспекторларидан бири.
Маълум қилинишича, бунгача Йўл-патруль хизматида 1993 йилда ишлаб чиқарилган Honda мотоцикллари бўлган.
