МИБ Сурхондарё вилояти бошқармаси бошлиғи ўзгарди

МИБнинг Сурхондарё вилояти бошқармасига янги раҳбар тайинланди.

Фото: МИБ

Жуманазар Жуманиёзов Бош прокуратура ҳузуридаги Мажбурий ижро бюросининг Сурхондарё вилояти бошқармаси бошлиғи лавозимига тайинланди.

У 2021 йилнинг май ойидан буён ушбу лавозимда ишлаган Анвар Худоёровнинг ўрнига келган.

Ж.Жуманиёзов 1981 йилда Хоразм вилоятида туғилган, маълумоти олий, ҳуқуқшунос. Меҳнат фаолияти давомида Бош прокуратура ҳузуридаги департаментнинг Тошкент шаҳар, Хоразм ҳамда Тошкент вилоятлари бошқармаларида инспектор, катта инспектор, бўлим бошлиғи, Бюронинг Тошкент вилояти бошқармаси бошлиғи ўринбосари лавозимларида ишлаган.

Мазкур тайинловга қадар у бюронинг Тошкент вилояти бошқармасида катта инспектор лавозимида ишлаб келаётган эди.

#Сурхондарё #МИБ