Украина мудофаа вазири ўринбосари Владимир Гавриловнинг маълум қилишича, АҚШнинг моддий-техник ёрдам соҳасидаги инспекцияси Америка томонидан Украинанинг қурол-яроғ ва ҳарбий техника ҳисобига ҳеч қандай эътироз йўқлигини билдирган.
«Артиллерия, ўқ-дорилар, мураккаб ҳаво ҳужумидан мудофаа тизимлари, зирҳли машиналар - барчаси Украинада ҳисобга олинади. Ўтган йили барча қурол-яроғ ва ҳарбий техникани ҳисобга олиш ва логистика орқали ўтказишнинг автоматлаштирилган тизими жорий этилди. Ҳамкорлар ёрдамида LOGFAS ва «Каравай» дастурлари ишга туширилди, у ҳарбий техникани QR-код билан кузатиб бориш имконини беради», дея Гавриловнинг сўзларидан иқтибос келтирган Украина Мудофаа вазирлиги матбуот хизмати.
CNN Пентагон бош инспекторининг 2022 йил 6 октябрдаги ҳисоботига таяниб, Украинада урушнинг дастлабки ойларида ғарб қуролларини ўғирлаш ҳолатлари бўлганини, аммо кейинчалик улар Украина махсус хизматлари томонидан топилиб, олиб қўйилганини хабар қилди.
АҚШ Мудофаа вазирлиги ҳужжатида, шунингдек, қурол-яроғ таъминотини жойларда кузатиш билан боғлиқ муаммолар ҳақида сўз боради.
