Эрон Теҳрон ва Тошкент ўртасида тўғридан тўғри рейсларни йўлга қўймоқда

Qeshm Air Теҳрон ва Тошкентдан тўғридан тўғри рейсларни йўлга қўяди.

Фото: Uzbekistan Airports

Эроннинг Qeshm Air авиакомпанияси Теҳрон ва Тошкент ўртасида тўғридан тўғри рейсларни йўлга қўймоқда.

9 август куни Теҳрон — Тошкент — Теҳрон йўналиши бўйича биринчи мунтазам йўловчи рейси амалга оширилиши режалаштирилган.

Рейслар ҳафтасига бир марта — чоршанба кунлари шинам Airbus А320 самолётларида амалга оширилиши кутилмоқда.

Qeshm Air — штаб-квартираси Теҳронда жойлашган Эрон авиакомпанияси бўлиб, 1993 йилда ташкил этилган ҳамда маҳаллий ва халқаро йўловчи рейсларини, шунингдек, чартер рейсларини амалга оширади.