Қўшимча функционаллар
-
Тунги кўриниш
АҚШ элчихонаси ноиммиграцион виза бериш тартиби ўзгарганини маълум қилди
Виза мурожаатчилари суҳбатга рўйхатдан ўтиш вақтида фойдаланилган DS-160 анкетасини суҳбат куни ҳам тақдим этиши шарт.
Тошкентдаги АҚШ элчихонаси 2024 йил 13 февралдан бошлаб, барча ноиммиграцион виза мурожаатчиларидан суҳбатга рўйхатдан ўтиш вақтида фойдаланилган DS-160 анкетасини суҳбат куни ҳам тақдим этишини талаб қилади.
Суҳбатга фарқли DS-160 анкетасининг тасдиқланган саҳифаси билан келган мурожаатчилар виза суҳбатига киритилмайди ва улардан суҳбатга қайта рўйхатдан ўтиш сўралади.
«Сиз суҳбатга рўйхатдан ўтиш учун фойдаланган DS-160 анкетаси тўлиқ тўлдирилмаган ёки сезиларли хатоларни ўз ичига олган бўлса, у ҳолда, янги DS-160 анкета тўлдиришингиз ва анкетанинг янги «баркод» рақамидан фойдаланган ҳолда, янги суҳбат куни белгилашингиз керак бўлади», дейилади хабарда.
Қайд қилинишича, агар анкетага фақат кичик ўзгартириш киритиш зарур бўлса, у ҳолда янги анкета тўлдирмасдан ва қайта суҳбат куни белгиламасдан, виза суҳбатига келиш мумкин. Бунда элчихона ходимлари анкетадаги кичик хатоларни тўғрилашда кўмак бериши мумкин.
Мавзуга оид
16:56
АҚШ сайловларида республикачилар Конгрессда кўпчиликни қўлга киритди
15:46
“Абадий химикатлар” ёшларда буйрак шикастланишига олиб келиши мумкин — тадқиқот
15:42
Россиядан Венесуэлагача: табиий бойликлар бўйича энг бой давлатлар
10:31