Ҳафта давомида Ўзбекистонда ёмғир ва момақалдироқ кутилмоқда

Душанба куни Ўзбекистон бўйлаб ёмғир ёғади, айрим жойларда кучли бўлиши мумкин. Момақалдироқ кузатилиши эҳтимоли бор. Фақат Фарғона водийсида ёғингарчилик кутилмайди, деб хабар бермоқда Ўзгидромет.

Шамол тезлиги 13−18 метр/сониягача кучаяди, айрим жойларда чанг-тўзонлар билан кузатилади. Ҳаво ҳарорати +15…+20 даража, шимолда +8…+13 даража бўлади.

Сешанба куни республика бўйлаб ёмғир ёғиши кутилмоқда, Қорақалпоғистонда ёмғир қорга айланиши мумкин. Момақалдироқ эҳтимоли ҳам бор. Ҳаво ҳарорати кечаси +7…+12, кундузи +10…+15 даража, шимолда кечаси 0…+5, кундузи +5…+10 даража бўлади.

Чоршанба куни Ўзбекистоннинг аксарият ҳудудларида ёмғир давом этади. Қорақалпоғистонда ҳамда Хоразм, Бухоро ва Навоий вилоятларида ёғингарчилик кутилмайди. Ҳаво ҳарорати кечаси +3…+8, кундузи +7…+12 даражагача пасаяди. Шимолда кечаси –2…–7, кундузи +3…+8 даража бўлади.

12 ноябр куни республика бўйлаб ёғингарчилик кутилмайди. Ҳаво ҳарорати кечаси 0…+5 даража, айрим жойларда –2 даражагача, кундузи +7…+12 даража бўлади. Шимолда кечаси –2…–7, кундузи +3…+8 даража.

13 ноябр куни Ўзбекистоннинг айрим ҳудудларида ёмғир ёғиши мумкин. Қорақалпоғистонда ҳамда Хоразм, Бухоро ва Навоий вилоятларида ёғингарчилик кутилмайди. Ҳаво ҳарорати кечаси 0…+5 даража, айрим жойларда –2 даражагача, кундузи +7…+12 даража бўлади. Шимолда кечаси –2…–7, кундузи +5…+10 даража бўлади.

Тошкент шаҳрида душанба куни вақти-вақти билан ёмғир ёғиши, момақалдироқ бўлиши мумкин. Шамол шарқдан ғарбга ўзгаради, тезлиги 3−8 метр/сония бўлади, айрим пайтларда 11−13 метр/сониягача кучайиши мумкин. Айрим ҳудудларда чанг-тўзонлар билан кузатилиши мумкин. Ҳаво ҳарорати кундузи +18…+20 даража бўлади.

Сешанба куни пойтахтда ёмғир давом этади, момақалдироқ бўлиши мумкин. Ғарбдан 3–8 метр/сония тезликда шамол эсади, тезлиги 10–12 метр/сониягача кучайиши эҳтимоли бор. Ҳаво ҳарорати кечаси ва кундузи +12…+14 даража бўлади.

Чоршанба куни вақти-вақти билан ёмғир ёғади. Ғарбдан 3–8 метр/сония тезликда шамол эсади. Ҳаво ҳарорати кечаси +5…+7, кундузи +8…+10 даража бўлади.

12 ноябр куни ёғингарчилик кутилмайди. Шамол шимоли-шарқдан 3–8 метр/сония тезликда эсади. Ҳаво ҳарорати кечаси +1…+3, кундузи +10…+12 даража бўлади.