Қўшимча функционаллар
-
Тунги кўриниш
Россиядаги тергов изоляторида урушга қарши фаол очлик эълон қилганидан сўнг вафот этди
Терроризмга даъват қилгани учун ҳибсга олинган пианиночи Павел Кушнир очлик эълон қилди, «унинг танаси бунга чидай олмади», деди «Русь сидящая» раҳбари Романова.
39 ёшли пианиночи ва урушга қарши фаол Павел Кушнир Биробиджандаги тергов изоляторларидан бирида вафот этди. Бу ҳақда 2 август, жума куни «Вот так» интернет нашри «Русь сидящая» лойиҳаси раҳбари Олга Романова ва Кушнирнинг болаликдаги дўсти Олга Шкригуновага таяниб хабар берди. Ўлим 27 июл куни содир бўлган.
Кушнир қуруқ очлик эълон қилди ва «унинг танаси бунга чидай олмади», деб тушунтирди Романова. Фожианинг бошқа тафсилотлари ҳозирча номаълум.
Тўртта видео ва бир неча ўнлаб обуначиларга эга канал
Кушнир май ойида қўга олинган, дея аниқлик киритади «Вот так». Унга нисбатан терроризмга чақириш моддаси бўйича жиноий иш очилган. Бунга унинг YouTube-каналидаги видеолар сабаб бўлган, дея тушунтиради нашр. Терговчиларга кўра, шу йўл билан муаллиф Россияда конституциявий тузумни зўравонлик билан ағдаришга чақирган.
2011 йил октябр ойидан бери мавжуд бўлган каналда Россия ҳукумати сиёсатини танқид қилувчи ва урушга қарши чақириқлар бўлган тўртта видеоролик мавжуд. Унга 89 киши обуна бўлган.
Павел Кушнир Тамбовда вояга етган, Чайковский номидаги Москва консерваториясини тамомлаган, кейин Курск ва Кургандаги филармонияларда ишлаган, 2023 йилда Биробиджон вилоят филармониясининг солисти бўлган.
