Сербиянинг «Радник Сурдулица» футбол клуби Ўзбекистон миллий жамоаси яримҳимоячиси Отабек Шукуровнинг трансферини эълон қилди.
Бунгача 30 ёшли футболчи «Банияс» (БАА) клубида тўп тепган. Ўтган мавсум якунлангач, клуб яримҳимоячи билан шартномани узайтирмади, шу муносабат билан Шукуров эркин агентга айланди.
«Радник» клуби билан тузилган шартноманинг муддати ва молиявий шартлари эълон қилинмади.
«Радник» клуби 10 турдан кейин 14 очко тўплаган ҳолда Сербия чемпионатида еттинчи ўринни эгаллаб турибди.
