Қўшимча функционаллар
-
Тунги кўриниш
Эронда бир кунда 29 киши қатл этилди — ОАВ
Бундай миқёсдаги оммавий қатл Эронда сўнгги йилларда мисли кўрилмаган ҳодиса экани таъкидланмоқда.
Фото: Morteza Nikoubazl/NurPhoto
Эронда бир кун ичида камида 29 киши қатл этилди, дея хабар берди BBC инсон ҳуқуқлари ташкилотларига таяниб.
Қайд қилинишича, Норвегиянинг Iran Human Rights (IHR) ташкилоти 26 маҳкум Карождаги Гўзалхазор қамоқхонасида ва яна уч нафари Карож шаҳри қамоқхонасида осилгани ҳақида маълумот берган.
Қатл этилганлар орасида қотиллик, гиёҳвандлик ва зўрлашда айбланган Афғонистоннинг икки нафар фуқароси ҳам борлиги таъкидланмоқда.
IHR ташкилотининг таъкидлашича, бундай миқёсдаги оммавий қатл Эронда сўнгги йилларда мисли кўрилмаган ҳодисадир. Сўнгги бор бундай ижро 2009 йилга тўғри келади.
БМТ маълумотларига кўра, 2024 йилда Эронда камида 345 та ўлим жазоси ижро этилган, улардан 15 таси аёлларга тегишли.
Инсон ҳуқуқлари ташкилотлари Эронни 2022 йилги норозилик намойишларидан кейин жамоатчиликда қўрқувни уйғотиш учун ўлим жазосидан фойдаланганликда бир неча бор айблаган. Ҳуқуқ ҳимоячиларининг ҳисоб-китобларига кўра, Эрон ҳар йили Хитойдан кейин дунёнинг бошқа мамлакатларига қараганда кўпроқ одамни қатл қилади.
Мавзуга оид
21:03 / 26.11.2024
Хитойда Bank of China собиқ раҳбари ўлим жазосига ҳукм қилинди
15:45 / 25.11.2024
Ўзбекистон ва Эрон инновацион маҳсулотлар ишлаб чиқариш имконини муҳокама қиляпти
09:02 / 25.11.2024
Эрон ўз ядро дастури бўйича музокаралар ўтказади
19:58 / 24.11.2024