Хитойнинг автомобиль саноатидаги етакчи номларидан бири бўлган FAW (First Automobile Works) компанияси, ўзининг узоқ йиллик тажрибаси ва илғор технологиялари билан Ўзбекистон бозорида янги бир саҳифа очмоқда. 1953 йилда ташкил топган FAW ўша даврда Хитойнинг биринчи юк машиналарини ишлаб чиқарган ва бугунги кунда дунёнинг энг йирик юк машиналари ишлаб чиқарувчиларидан бирига айланган.
FAW тарихи: бир 70 йилдан ортиқ муваффақиятлар йўлида
FAW компаниясининг ривожланиши 1956 йилдан бошлаб, илк Jiefang CA10 моделидаги юк машинаси ишлаб чиқарилганидан кейин Хитой иқтисодиётига ва транспорт тизимига катта ҳисса қўшган. CA10, Хитойдаги биринчи кенг тарқалган юк машинаси бўлиб, бу модел Совет Иттифоқининг ЗИС-150 моделидан асосланган эди. Кейинчалик, FAW компанияси ўзининг янги модел ва технологияларини ишлаб чиқаришни давом эттириб, 1980 йилларда Хитойда энг йирик автомобиль ишлаб чиқарувчига айланди. 1990 йилларда эса компания халқаро бозорга кириб, Volkswagen, Toyota ва General Motors каби глобал брендлар билан ҳамкорликни йўлга қўйди.
Ўзбекистон билан ҳамкорлик: FAW ва VUM янги завод ҳақида
2023 йилга келиб, FAW ва Ўзбекистоннинг Van Universal Motors (VUM) компанияси ўртасидаги ҳамкорлик янги босқичга ўтди. Ушбу стратегик ҳамкорлик доирасида Андижон шаҳрида замонавий автомобил заводи қурилди. Мазкур заводда FAW юк машиналари ва бошқа махсус техникалар ишлаб чиқарилмокда. Бу лойиҳа нафақат Ўзбекистоннинг юк машиналари соҳасидаги эҳтиёжларини қондиришга, балки маҳаллий саноатни ривожлантиришга ҳам катта ҳисса қўшмокда.
FAW юк машиналарининг асосий афзалликлари
FAW компаниясининг «Tiger V» русумидаги ўрта тоннали юк машиналари, юқори самарадорлик, мустақамлик ва ёқилғи тежамкорлиги билан ажралиб туради. Ушбу машиналар, қурилиш, қишлоқ хўжалиги, коммунал хизматлар ва юк ташиш каби соҳаларда кенг қўлланмоқда. FAW Tiger V сериясидаги моделларнинг баъзилари:
· FAW Tiger V Samosval – Қурилиш материалларини ташиш учун мўлжалланган юк машинаси.
