Лос-Анжелес мэри АҚШ ҳукуматини шаҳар устидан тажриба ўтказишда айблади

Лос-Анжелес мэри Карен Басснинг айтишича, федерал ҳукумат тартибсизликларни бостириш учун Миллий гвардия ва денгиз пиёда аскарларини жойлаштириш орқали Лос-Анжелесдан «тажриба сифатида фойдаланмоқда».

Журналистлар билан суҳбатда Басс президент Доналд Трампнинг Лос-Анжелесга қўшин жўнатиш ҳақидаги қарорига изоҳ берди.

Унинг таъкидлашича, Трамп маъмурияти аввалроқ рейдлар жиноятчилар ва ордер берилган одамларни нишонга олишини даъво қилган, бироқ аслида расмийлар тўғридан тўғри иш жойларига борган.

«Бизга булар ҳибсга олинадиган одамлар эканлиги айтилмаган ва мен бизнинг шаҳримиз асосан тажриба ўтказиш объекти сифатида фойдаланилганга ўхшайди», деди Басс.

Лос-Анжелесда ICE томонидан ҳибсга олинган ноқонуний муҳожирларни қўллаб-қувватлаш учун намойишлар давом этмоқда, намойишлар оммавий қўлга олишлар ва вақти-вақти билан полиция билан тўқнашувларга айланиб кетмоқда.

Президент Трамп вазиятни барқарорлаштириш учун Миллий гвардияни сафарбар этаётганини айтиб, шаҳар маъмурияти ва демократ губернаторни тартибни сақламаганликда айблади.