23 ёшгача бўлган футболчилардан иборат Ўзбекистон терма жамоаси 2026 йилги Осиё Кубоги иштирокчисига айланди.
Бош мураббий Равшан Ҳайдаров шогирдлари Қирғизистоннинг Бишкек шаҳрида ўтказилган саралаш мусобақасида муваффақиятли иштирок этди.
Ўзбекистон U23 саралаш гуруҳида Шри Ланка (4:0) ва Фаластинни (2:1) мағлуб этиб, Қирғизистон (2:2) билан дуранг ўйнади. Натижада 7 очко жамғариб, мезбонлардан фақат тўплар нисбатига кўра орқада қолиб, иккинчи ўринни эгаллади. Бу кўрсаткич ўзбекистонликлар учун Осиё Кубоги йўлланмасини қўлга киритишга етарли бўлди.
Ёшлар ўртасидаги 2026 йилги Осиё Кубоги 7-25 январ кунлари Саудия Арабистонида ўтказилади.
