Қариндошларни йўқлаш мақсадида АҚШга 3 мингдан зиёд ўзбекистонлик борди

Миллий статистика қўмитаси маълумотларига кўра, 2025 йил январ–сентябр ойларида АҚШга туристик мақсадларда сафар қилган Ўзбекистон фуқаролари сони 12 953 нафарни ташкил этди. Бу ўтган йилнинг шу даврига нисбатан 1,1 минг нафарга ёки 9,3 фоизга кўп.

Фото: Kun.uz

Қўмита қайд этишича, ҳисобот даврида сафарлар мақсадлари қуйидагича тақсимланган:

саёҳат — 9 236 нафар;
қариндошларни йўқлаш — 3 114 нафар;
ўқиш — 304 нафар;
хизмат юзасидан — 273 нафар;
даволаниш — 26 нафар.

Маълумотлардан кўриниб турибдики, АҚШга борувчилар ичида саёҳат асосий улушни ташкил этган, шу билан бирга қариндошларни йўқлаш мақсадидаги ташрифлар ҳам 3 мингдан зиёд даражада қайд этилган. Умуман, 2025 йилнинг тўққиз ойида АҚШ йўналиши бўйича ўзбекистонликларнинг хорижга чиқиш фаоллиги ўсиш тенденциясини сақламоқда.