Файзуллаев гол уришни бошлади, Шомуродов давом эттирди, «Барса» «Реал»ни қувиб ўтди

Туркия Суперлигаси: Файзуллаев тушди ва гол урди

«Қосимпошо» – «Истанбул «Бошоқшеҳир» 1:3
Голлар: Аббосбек Файзуллаев, 26 (0:1). Ҳарит 45+4, (0:2). Ароус, 79 (1:2). Элдор Шомуродов 90+3, (1:3).
«Қосимпошо»: Янниотис, Фримпонг, Арус, Салаи (Диабите, 46), Опоку, Винк, Бен-Уаннес, Кафу (Устунтоғ, 14, Канатсизкуш 64), Балдурссон, Фалл (Кол, 64), Гуйе
«Истанбул Бошоқшеҳир»: Шенгезер, Булут (Шаҳинер, 53), Дуарте, Опоку, Опери, Гунеш (Ўздемир, 72), Файзуллаев (Гурелер, 78), Кемен (Крешпу, 78), Ҳарит (Да Кошта, 72), Зелке, Шомуродов.
Огоҳлантиришлар: Опоку, 21. Салаи, 24. Фалл, 58. Балдурссон, 90+3. – Зелке, 37. Опоку, 55. Шаҳинер, 58. Лео Дуарте, 78.
Четлатиш: Фелке 75 (иккинчи сариқ)

Туркия чемпионатининг 14-турида «Истанбул Бошоқшеҳир» клуби сафарда «Қосимпошо»га қарши ўйинда муҳим ғалабага эришди. Меҳмонлар иккинчи бўлимда сон жиҳатдан озчилик бўлиб қолишди, лекин ўзбекистонлик легионерларнинг голлари ишончли ғалабани таъминлади.

Ўйиннинг 26-дақиқадасида анча вақтдан буён жароҳатини даъволатган ва бу мавсумда илк бор бошланғич асосий таркибда майдонга тушган Аббосбек Файзуллаев жарима зарбасидан сўнг супергол муаллифига айланди. Бўлим охирида истанбулликлар ҳисобдаги фарқни оширди. Аммо иккинчи бўлимда жамоанинг германиялик ҳужумчиси Зелке қизил карточка олиб майдонни тарк этди ва бир неча дақиқа ўтиб мезбонлар ҳисобни қисқартиришди, натижада ўйиннинг қолган қисми ўта асабий руҳда кечди. Фақат 90+6-дақиқада Элдор Шомуродов қарши ҳужумда гол уриб, ўйин тақдирини ҳал қилди. Бу билан у Суперлигадаги голлари сонини 10 тага етказди ва «Трабзонспор»нинг нигериялик ҳужумчиси Пол Онуачу (11 гол, 4 таси пеналтидан) билан тўпурарлик пойгасини давом эттирди.

Ўтган турда айнан «Трабзонспор»га ютқазган (3:4) «Бошоқшеҳир» эса очколари сонини 16 тага етказиб, 9-ўринга кўтарилди.

Англия: Фоден «Сити»ни қутқарди

«Манчестер Сити» – «Лидс» 3:2
Голлар: Фоден, 1 (1:0). Гвардиол, 25 (2:0). Калверт-Люин, 49 (2:1). Нмеча, 68 (2:2). Фоден, 90+1 (3:2)
Аниқ ижро этилмаган пеналти: Нмеча, 68’
«Манчестер Сити»: Доннарумма, Рубен Диаш, Гвардиол, О`Райли, Матеус Нунес, Гонсалес, Бернарду Силва (Мармуш, 89), Рейндерс (Шерки, 75), Доку (Стоунс, 90+6), Фоден, Ҳоланд
«Лидс»: Перри, Стрейк, Родон, Жастин (Гудмундссон, 69), Богл, Ампаду, Груев, Танака (Ааронсон, 90+2), Нионто (Бийол, 46), Жеймс (Калверт-Люин, 46), Нмеча (Окафор, 82)
Огоҳлантиришлар: Матеус Нунес, 55. Бернарду Силва, 57. Гвардиол, 66. Доннарумма, 87 – Родон, 58

АПЛда «Нюкасл» (1:2) ва ЕЧЛда «Байер»га (0:2) қарши ўйинлардаги муваффақиятсизликлардан кейин «Манчестер Сити» ўз уйида бор аламини «Лидс»дан оладигандек кўринаётганди. Фоденнинг тезкор голи ҳам воқеалар ривожи кутилганидек кетишини кўрсатди, у 1-дақиқадаёқ Матеус Нунеснинг қанотдан узатмасини бир тегинишда голга айлантирди. Бўлим ўрталарида бурчак зарбасидан кейин Гвардиол ҳисобдаги фарқни оширди.

Аммо танаффусдан кейин «Сити» хотиржамликка берилди, меҳмонлар сафида захирадан тушган Калверт-Люин эса ўйинни ўзгартириб юборди. Аввалига ушбу ҳужумчи ҳисобни қисқартирди, кейин пеналти ишлади. Нуқтага яқинлашган Нмечанинг зарбасини Доннарумма қайтарганди, аммо тўпга биринчи бўлим зарбани ижро этувчининг ўзи етиб келди ва ҳисобни тенглаштирди. Хосеп Гвардиола шогирдлари анча вақтгача бунга жавоб топа олишмади. Фақат қўшимча дақиқаларда яна Фоден ўзини кўрсатди ва ғалаба голини урди. «Сити» камида «Челси» ва «Арсенал» ўйини якунигача иккинчи ўринга қайтди.

«Эвертон» – «Нюкасл Юнайтед» 1:4
Голлар: Тшау, 1 (0:1). Майли, 25 (0:2). Волтемаде, 45 (0:3). Тшау, 58 (0:4). Дюсбери-Ҳолл, 69 (1:4)
«Эвертон»: Пикфорд, Кин, Тарковски, Миколенко, О`Брайен, Гарнер, Ироэгбунам (Алкарас, 46), Дюсбери-Ҳолл, Грилиш (Макнейл, 80), Ндиай (Диблинг, 80), Барри (Бету, 87)
«Нюкасл Юнайтед»: Рамсдейл, Тшау, Берн, Ҳолл (Шер, 90), Ливраменто, Гимарайнс (Тонали, 90), Жоэлинтон, Майли, Барнс (Уиллок, 71), Эланга (Рэмси, 71), Волтемаде (Гордон, 90)

«Эвертон» биринчи бўлим ўрталарига келиб тўпга эгалик қилиш бўйича 79 фоизлик устунликка эришди, аммо бу вақтда таблода 0:2 рақами порлаб турарди. Ҳимоячи Тшау биринчи дақиқадаёқ бурчак зарбасидан кейин ҳисобни очганди, бўлим ўрталарида эса Пикфорд Ли Майлининг дарвоза марказига йўллаган зарбасини ўтказиб юборди. Бўлим охирида эса Эланганинг узатмасидан кейин Волтемаде тўпни шунчаки дарвозабоннинг устидан ошириб ташлаб, амалда ўйин тақдирини ҳал қилди. Иккинчи бўлим бошида Тшау дублни расмийлаштирди ва ҳисобни янада йириклаштирди. Ўтган турда бир киши кам бўлиб ўйнаб ҳам «МЮ»ни мағлуб эта олган «Эвертон» фақат ўйин охирида битта жавоб голини уришга эришди. «Нюкасл» АПЛ сафар ўйинларидаги илк ғалабасини нишонлади ва турнир жадвалининг иккинчи қисмида қолаётганига қарамай, ЕЧЛга йўлланма берадиган бешинчи ўрин билан орадаги фарқ атиги уч очкони ташкил этмоқда.

«Тоттенҳэм» – «Фулҳэм» 1:2
Голлар: Тете, 4 (0:1). Уилсон, 6 (0:2). Кудус, 59 (1:2)
«Тоттенҳэм»: Викарио, Дансо, ван де Вен, Удоджи (Тел, 85), Порро, Палиня (Симонс, 60), Грэй (Бентанкур, 60), Бергвалл (Сарр, 77), Ришарлисон (Одобер, 60), Қуддус, Коло Муани
«Фулҳэм»: Лено, Басси, Андерсен, Сессенон, Тете, Берге, Ивоби (Кастань, 87), Кинг (Лукич, 68), Чуквуэзе (Кевин, 81), Уилсон (Смит-Роу, 68), Хименес
Огоҳлантиришлар: ван де Вен, 30. Удоджи, 49. Коло Муани, 90 – Хименес, 78. Лено, 90

Яқингача турнир жадвалининг юқори қисмида юрган «Тоттенҳэм» сўнгги турларда суръатни пасайтирди ва турнир жадвалининг экваторига тушиб кетди. «Шпорлар» «Фулҳэм»га қарши ўйинни жуда ёмон бошлашди ва АПЛда иштирокини бошлаганидан буён илк бор дастлабки олти дақиқа ичида икки гол ўтказиб юборди. Дарвозабон Викарионинг қўпол хатоси мезбонларга қимматга тушди, у оддий вазиятда жарима майдонини ташлаб чиқди, тўпга эгалик қилиб турганига қарамай, уни майдон ташқарисига чиқариб юбормади ва рақибга топширди, натижада Уилсон бўш қолган дарвозани ишғол этди.

Иккинчи бўлимда мезбонлар битта жавоб голини уришди, аммо мағлубиятдан қутулиб қола олмади. Ёзда жамоа бошқарувига келган Томас Франк Ангелос Постекўғли давридаги кўплаб муаммоларни еча олди, аммо асосийларидан бирига чора топа олмаяпти – жамоа ҳамон ўз майдонидаги ўйинларда яхши иштирок эта олмаяпти. Лондонликлар аллақачон бир календар йилида ўз майдонида бой берилган ўйинлар сони бўйича клуб антирекордини такрорлади (10 мағлубият). Жорий мавсумда фақат аутсайдер «Вулверҳэмптон» (1) ўз уйидаги ўйинларда «шпорлар»дан (5)камроқ очко тўплаган.

Испания: «Атлетико» тарихга кирди

«Барселона» – «Алавес» 3:1
Голлар: Ибанес, 1 (0:1). Ямал, 8 (1:1). Олмо, 26 (2:1). Олмо, 90+3 (3:1)
«Барселона»: Х. Гарсия, Кубарси (Кристенсен, 84), Мартин, Балде, Э. Гарсия (Кунде, 46), Бернал (Рэшфорд, 46), Олмо, Касадо, Рафиня (Педри, 60), Ямал, Левандовски (Торрес, 60)
«Алавес»: Сивера, Пачеко, Теналья, Парада (Мартинес, 80), Отто, Бланко, Суарес (Гевара, 68), Ибанес (Гуриди, 68), Реббач (Аленя, 58), Калебе (Висенте, 59), Бойе
Огоҳлантиришлар: Бернал, 36. Х. Гарсия, 90 – Реббач, 32. Калебе, 53. Бланко, 81

«Барселона» ташкил этилганининг 126 йиллигига тўғри келган ўйиннинг 43-сониясидаёқ гол ўтказиб юборди. 15 ойдан буён илк бор бошланғич таркибда тушган Бернал яккакурашни бой берди ва Параданинг узатмасидан кейин Ибанес дарвоза тўрини ишғол этди.

Лекин мезбонлар дарҳол ташаббусни ўз қўлига олишди ва чемпионлик мавсумидаги ҳужум триоси барча масалани ҳал қилди. «Алавес» бир неча ҳужумни қайтарди, аммо 8-дақиқада Ямал Левандовскининг узатмасидан кейин «Камп Ноу»да илк голини уриб, ҳисобни тенглаштирди. Бўлим ўрталарида эса Рафиня Дани Олмони голли пас билан таъминлади.

Иккинчи бўлим воқеаларга бой кечмади, «Барселона» тўпга эгалик қилди ва ўйинни назорат қилди. Биринчи бўлимда вазиятни бир неча хавфли вазиятлар яратган «Алавес»да иккинчи бўлимда дарвоза соҳасига тўғри борган бирорта зарба бўлмади. Ўйинга қўшиб берилган дақиқаларда эса Ямалнинг узатмасидан кейин Олмо дубни расмийлаштирди. «Барса» ҳозирча биринчи ўринга кўтарилди ва бугун «Реал»ни қабул қиладиган қўшниси «Жирона» матонат кўрсатишидан умид қилади.

«Атлетико» – «Овиедо» 2:0
Голлар: Серлот, 16 (1:0). Серлот, 26 (2:0)
«Атлетико»: Облак, Лангле, Ганцко, Пубил, Гонсалес (Хименес, 87), Молина, Коке (Распадори, 75), Галлаҳер, Баэна (Симеоне, 46), Гризманн (Барриос, 63), Серлот (Алварес, 63)
«Овиедо»: Эскандел, Костас, Карму (Калво, 61), Алҳассейн, Видал, Дендонкер, Касорла (Эджариа, 75), Ҳассан (Рейна, 82), Коломбатто (Илич, 82), Виняс, Рондон (Форес, 75)
Огоҳлантириш: Карму, 54

«Атлетико» ҳам «Овиедо» мудофаасидаги бўш нуқталардан фойдаланиб, ўзига керакли уч очкони қўлга киритди. Мезбонларнинг чап қанотида Алекс Баэна ва Ханцконинг фаол ҳаракатларидан кейин Серлот бўш дарвозани ишғол этиб ҳисобни очди. Ўн дақиқа ўтиб Ганцконинг узатмасидан кейин тўп рақиб ҳимоячисига теккан ҳолда Серлотга бориб тушди ва ҳисобдаги фарқ иккитага ошди. «Матрасчилар» бу мавсумдаги барча ўйинларда (14) биринчи бўлиб гол уриш анъанасини давом эттирди ва бу борада 1991 йилдан буён «Реал»га тегишли бўлиб келган натижани яхшилади. Аммо Диего Симеоне бу ўйинларнинг барчасида ҳисобдаги устунликни сақлаб қололмаганди. Акс ҳолда қизил-оқлар ҳозирда турнир жадвалида учинчи эмас, биринчи ўринда кетаётган бўларди. Шу билан бирга, биринчи ўрин билан уч очколик фарқ «Атлетико» ҳам чемпионлик пойгасининг тўлақонли иштирокчиси эканини кўрсатади.

Италия: «Ювентус»да ғалабали ҳафта

«Ювентус» – «Каляри» 2:1
Голлар: Эспозито, 26 (0:1). Кенан Йилдиз, 27 (1:1). Кенан Йилдиз, 45+1 (2:1)
«Ювентус»: Перин, Келли, Копмейнерс, Калюлю, Локателли, Тюрам (Миретти, 70), Костич (Камбиясо, 46), Маккенни, Консейсау (Кабал, 85), Кенан Йилдиз (Опенда, 85), Влаҳович (Давид, 31)
«Каляри»: Каприле, Луперто, Оберт (Идрисси, 53), Дзаппа, Адопо (Гаэтано, 81), Дейола, Фолоруншо (Семих Қиличсой, 81), Литета (Прати, 53), Палестра, Боррелли, Эспозито (Феличи, 70)
Огоҳлантиришлар: Камбиясо, 83 – Оберт, 39. Фолоруншо, 63. Феличи, 81. Прати, 82. Дейола, 90

Лучано Спаллеттининг Туриндаги фаолиятининг илк босқичида «Ювентус» дуранглар вирусига чалинганди, аммо бу ҳафтадаги икки ўйинда ҳам бянконерилар ғалаба қозонишди. «Каляри» биринчи бўлим ўрталарида ҳисобни очганди, аммо Кенан Йилдиз дарҳол жавоб қайтарди, бўлимга қўшиб берилган дақиқаларда эса туркиялик яримҳимоячи амалда ўйин тақдирини ҳал қилган голни урди. Иккинчи бўлим ҳам «Кекса синиоралар» устунлигида ўтди ва мезбонларда ҳисобдаги устунликни ошириш учун етарлича имкониятлар бўлди. Аммо минимал фарқ билан қозонилган ғалаба учун ҳам уч очко берилади ва бу очколар туринликларни еврокубокларга йўлланма берувчи ўринларга максимал даражада яқинлаштирди.

«Милан» – «Лацио» 1:0
Гол: Леау, 51 (1:0)
«Милан»: Менян, Габбиа, Павлович, Томори, Рабио, Модрич, Фофана (Лофтус-Чик, 65), Бартесаги, Салемакерс, Леау, Нкунку (Риччи, 82)
«Лацио»: Проведел, Романиоли, Хила, Марушич, Пеллегрини (Нуну Тавареш, 85), Весино (Деле-Баширу, 62), Башич (Нослин, 85), Гендузи, Дзаккани, Исаксен (Педро, 70), Диа (Кастелянос, 62)
Огоҳлантиришлар: Томори, 26. Габбиа, 64. Риччи, 89 – Пеллегрини, 57. Романиоли, 72. Дзаккани, 90

Италияда бу турнинг икки марказий ўйинидан бирида «Милан» тезкор гол ўтказиб юбориши мумкин эди, аммо бу мавсумда юқори спорт формасини намойиш этаётган Менян яна бир бор ўзини кўрсатди. Иккинчи бўлим эса Рафаэл Леаунинг голи билан бошланди. Томорининг узатмасидан кейин тўпни дарвозага йўллаган португалиялик футболчи А Сериядаги 60-голини нишонлади.

Ўйин охири ҳиссиётларга бой кечди, ҳакам томонидан қўшиб берилган беш дақиқанинг охиргисида Романиолининг зарбасидан кейин тўп Павловичнинг қўлига тегди. Арбитр эпизодни мониторда текшириш учун яна беш дақиқа сарфлади, чунки аввалига қизил карточка олган Массимилиано Аллегрини кийим алмаштириш хонасига юборишга тўғри келди, кейин эса жамоаларнинг захира ўриндиғи вакиллари ўртасида жанжал бошланиб кетди. Лекин якунда иш пеналтигача етиб бормади, ҳужумнинг бошланғич нуқтасида «Лацио» футболчиси томонидан фол ишлатилгани аниқланди. Ҳакамнинг қарори «Сан-Сиро»дагилар томонидан худди «Милан» кубок финалида ғолиб чиққандек байрам қилинди. Аммо бу ғалаба ҳозирча жамоани фақат турнир жадвалида биринчи ўринга олиб чиқди, якшанба куни «Рома» ва «Наполи» ўртасида кечадиган бошқа бир марказий ўйин натижасига кўра бу ўрин бой берилиши ҳам мумкин.

Германия: баварча характер

«Бавария» – «Санкт-Паули» 3:1
Голлар: Унтонжи, 6 (0:1). Рафаэл Геррейру, 44 (1:1). Диас, 90+3 (2:1). Жексон, 90+6 (3:1)
«Бавария»: Нойер, Ким Мин Жэ (Горецка, 77), Та, Бишоф, Лаймер (Олисе, 46), Киммиҳ, Павлович (Жексон, 83), Рафаэл Геррейру (Станишич, 65), Диас, Карл (Гнабри, 65), Кейн
«Санкт-Паули»: Васил, Смит, Метс, Вал, Сэндс, Рицка (Оппи, 68), Пирка, Ирвайн (Сисей, 68), Фудзита, Унтонжи (Синани, 18), Перейра Лаж (Меткалф, 87)
Огоҳлантиришлар: Та, 83 – Метс, 39

Ўтган турда «Бавария» Мюнхендаги ўйиннинг 17-дақиқасига келиб «Фрайбург»га 0:2 ҳисобида ортда бораётганди. Энди эса «Алянц Арена»даги ўйинда «Санкт-Паули» ҳам ҳисобни очди ва бу сафар ҳам амалдаги чемпионлар бўлим охирида жавоб қайтаришди. Луис Диас мураккаб ҳолатда турганига қарамай, тўпни қулай вазиятдаги Рафаэл Геррейруга етказиб берди. Икки ўйиндаги асосий фарқ – иккинчи бўлимлар бўлди. «Фрайбург» тўлиқ яксон этилганди (6:2), бу сафарги меҳмонлар эса Ҳамбургга очко билан қайтишга яқин эди.

Фақат ўйинга қўшиб берилган учинчи дақиқада Венсан Компани шогирдлари ғалабани илиб кетишди, Киммиҳ дарвозабон ҳудудига етказиб берган тўпга Диас идеал тарзда етиб борди. Бир неча дақиқа ўтиб эса Жексон қарши ҳужумда учинчи голни урди. «Бавария» бундеслигада қаторасига йигирма турда камида икки гол уриб келмоқда ва бу билан Хосеп Гвардиола даврига мансуб рекордини такрорлади.

«Байер» – «Боруссия» Д 1:2
Голлар: Анселмино, 41 (0:1). Адейеми, 65 (0:2). Кофане, 83 (1:2)
«Байер»: Флеккен, Баде, Тапсоба, Андрих (Куанса, 88), Гарсия, Маза, Грималдо, Ҳофманн (Эчеверри, 74), Тиллман (Терре, 74), Поку (Телла, 88), Шик (Кофане, 63)
«Боруссия» Д: Кобел, Антон, Шлоттербек, Анселмино, Нмеча (Бенсебаини, 90), Забитцер, Свенссон, Рюэрсон (Коуту, 80), Брандт (Чуквуэмека, 90+1), Адейеми (Беллингҳэм, 80), Гирасси (Силва, 61)
Огоҳлантиришлар: Тиллман, 30. Тапсоба, 40. Гарсия, 90 – Шлоттербек, 11. Рюэрсон, 54. Силва, 82. Коуту, 88

Иккинчи ўриндаги «Лейпциг» жума куни Менхенгладбахда дуранг ўйнаб қўйгач, «Байер» ва «Боруссия» Дортмунд клублари ўртасидаги баҳснинг аҳамияти ошиб кетди. Шанба кунги ўйин ғолиби «Лейпциг» билан орадаги фарқни минимумгача қисқартирган бўлар, мағлуб жамоа эса кучли тўртликни тарк этиши мумкин эди. Якунда «Байер» ЕЧЛда «Манчестер Сити»га қарши ўйинда бор куч ва ҳиссиётларини сарфлаб юборгани маълум бўлди. «Боруссия» эса тажрибасини намойиш этиб, сафардан ғалаба билан қайтди.

Дортмундликлар сафида порлаётган навбатдаги ёш юлдуз, ҳимоячи Анселмино биринчи бўлим охирларида ҳисобни очди. Иккинчи бўлимда эса Адейеми Фабиу Силванинг ассистини голга айлантирди. Леверкузенликларда эса ўйинда бурилиш ясаш учун деярли имконият бўлмади, Брандт эса яккама-якка вазиятда учинчи голни уриши ҳам мумкин эди. Фақат ўйин охирида Кофане чиройли гол билан ҳисобни қисқартиришга эришди, аммо бу гол ҳеч нарсани ўзгартира олмади. Нико Ковач очиқчасига Каспер Юлманндан устун келди. Энди бу мутахассислар сешанба куни Германия Кубоги доирасида қарама-қаршиликни давом эттиради.