Мантуров бошчилигидаги Россия делегацияси Ўзбекистонда иқтисодий форум ўтказади

Делегация таркибига, шунингдек, Нижний Новгород ва Омск вилоятлари, Бошқирдистон Республикаси ҳамда Красноярск ўлкаси раҳбарлари ҳам кирди.

Фото: POOL/ ТАСС

Россия бош вазирининг биринчи ўринбосари Денис Мантуров Россия делегациясига раҳбарлик қилган ҳолда амалий ташриф билан Ўзбекистонга келди, деб маълум қилди Мантуров котибияти журналистларга.

Делегация таркибига, шунингдек, Нижний Новгород ва Омск вилоятлари, Бошқирдистон Республикаси ҳамда Красноярск ўлкаси раҳбарлари ҳам киради.

Мантуров Россия–Ўзбекистон ҳукуматлараро иқтисодий ҳамкорлик комиссиясининг 26-йиғилишини ўтказади. Комиссиянинг Ўзбекистон томонидан ҳамраиси — бош вазир ўринбосари Жамшид Хўжаев ҳисобланади.

Шунингдек, Мантуров ҳукуматлараро комиссия мажлиси доирасида ўтказиладиган Россия–Ўзбекистон бизнес-форумининг ялпи мажлисида иштирок этади ва қатор икки томонлама учрашувлар ўтказади.