Қўшимча функционаллар
-
Тунги кўриниш
Ўзбекистонда автомобил ишлаб чиқариш ҳажми икки баробардан ортиқ ўсиши кутилмоқда
The Gulf Observer нашрига кўра, “Ўзбекистон – 2030” стратегиясининг қайта кўриб чиқилган лойиҳасида мамлакатда енгил автомобиллар ишлаб чиқариш ҳажмини кескин ошириш мақсад қилиб қўйилган. 2030 йилга бориб ишлаб чиқариш қарийб 1 миллион донага етиши режалаштирилмоқда.
Фото: The Gulf Observer
Нашрда қайд этилишича, стратегияга мувофиқ, Ўзбекистонда енгил автомобиллар ишлаб чиқариш ҳажми 2026 йилда 460 минг дона, 2027 йилда 550 минг дона, 2028 йилда 700 минг донага етказилиши кўзда тутилган. 2029 йилда ушбу кўрсаткич 800 минг донадан ошиши, 2030 йилга бориб эса деярли 1 миллион донага яқинлашиши кутилмоқда.
Манба маълумотларига кўра, 2025 йилнинг январ–ноябр ойларида Ўзбекистонда 419 338 дона енгил автомобил ишлаб чиқарилган бўлиб, ойлик ўртача ҳажм 38 121 донани ташкил этган. Бу кўрсаткичнинг ўзиёқ 2024 йил давомида ишлаб чиқарилган 399 327 дона автомобил ҳажмидан юқори.
Шунингдек, 2025 йилнинг 11 ойи давомида UzAuto Motors мамлакат автоишлаб чиқаришида етакчи ўринни сақлаб қолган. Бироқ энг юқори ўсиш суръати BYD компаниясида қайд этилган: компания 2024 йилнинг дастлабки 11 ойида 2 198 та автомобил ишлаб чиқарган бўлса, 2025 йилнинг шу даврида бу кўрсаткич 17 510 тага етган.
Бундан ташқари, Kia, Chery ва Haval компаниялари ҳам Ўзбекистонда ишлаб чиқариш ҳажмларини кенгайтиргани таъкидланади.
Мавзуга оид
19:50 / 12.01.2026
Фарғонада “права”сиз аёл уч одамни уриб юборди, бир киши тўшакка михланди: жабрланувчилар суд ҳукмидан норози
10:41 / 09.01.2026
Сергелида BYD ҳайдовчиси қизил чироқда ўтиб, 2 та автомобил билан тўқнашди
15:49 / 07.01.2026
Енгил автомобил импортида электромобиллар улуши 70 фоиздан ошди
14:04 / 06.01.2026