Kia Carens — Ўзбекистон учун шаҳар кроссвэнининг янги версияси

Янгиланган Kia Carens “Қарама-қаршиликлар бирлиги” бренди фалсафасидан илҳомланган. Ушбу ёндашув Kia компаниясининг замонавий мижозлар эҳтиёжларига жавоб берадиган инновациялар, хавфсизлик ва қулайликни ўзида мужассам этган мобилликка оид илғор қарашларини акс эттиради.

Янги Kia Carens аввалги авлодга нисбатан сезиларли даражада олдинга силжиб, ташқи кўриниш, интерьер ва жиҳозланишда кенг кўламли такомиллаштиришларни таклиф этади.

Ташқи кўринишида модель жасоратли янги дизайн йўналишига эга бўлди: кузовнинг олд ва орқа қисмлари тўлиқ қайта ишланган бўлиб, бу автомобилга янада ишончли ва йўлтанламас услубдаги қиёфа беради. Янгиланган капот, радиаторнинг ифодали панжараси, “Юлдузлар харитаси” концепциясидаги вертикал LED оптика ва “Муз бўлаклари” концепциясидаги LED MFR фаралар олд томондан таъсирчан кўринишни шакллантиради. Янги бампер дизайни мустаҳкам ҳимоя қопламаси билан ажралиб туради.

Орқа томондан замонавий ва динамик кўриниш “Юлдузлар харитаси” концепциясидаги нафис чироқлар орқали яратилади — флагман моделлардагидек, кузовнинг бутун кенглигини қамраб олган LED тасма билан. Юкхона кенг эшиги олд дизайн билан услубий уйғунликни сақлаган ҳолда мустаҳкам қопламага эга.

Янги 17 дюймли кристалл шаклидаги енгил қотишмали дисклар ва томдаги янгиланган рейлинглар моделга электромобиллардан илҳомланган Kia дизайн кодини акс эттирувчи тўлиқ қиёфа беради.

Ўз сегментида катта ғилдирак базасига эга бўлган янги Kia Carens йўловчиларга кенглик ва юқори даражадаги қулайликни тақдим этади.

Автомобилнинг интерьери тўлиқ қайта ишланган бўлиб, унда қулайлик ва меҳмондўстлик муҳитини яратувчи ихчам ва нафис дизайн устунлик қилади. Олд панелнинг янги эстетик шакли салонга футуристик ва технологик характер бағишлайди, эшик тутқичларини ўз ичига олган янгиланган интерьер элементлари эса замонавийлик ва нозиклик таассуротини янада кучайтиради.

Асбоблар панели металл қўшимчалар билан безатилган. Олд панелда, олд ва орқа эшикларда жойлашган кўп рангли атмосфера ёриткичлари 64 хил рангдан бирини танлаш имконини беради. Универсал ва интуитив мультимедиа ҳамда иқлим назорати бошқарув панели консоль марказида жуда қулай жойлаштирилган.

Янги панорамали дисплей алоҳида эътиборни тортади. У 12,3 дюймли асбоблар панели ва 12,3 дюймли ахборот-кўнгилочар тизим экранини бирлаштириб, янада кучли иммерсив эффект яратади. Мультимедиа тизими интерфейси тўлиқ ўзбек тилига таржима қилинган.

Электр юритмали люк очиқлик, эркинлик ва ҳашамат ҳиссини тақдим этади, биринчи қатордаги вентиляцияли ўриндиқлар эса энг иссиқ ҳавода ҳам юқори даражадаги қулайликни таъминлайди.

Куч агрегатларининг пухта ўйланган туркуми қуйидаги вариантларни таклиф қилади: ёш ва фаол фойдаланувчилар учун — 7 поғонали DCT билан уйғунликда ишловчи, дақиқасига 5500 айланиш тезлигига эга 160 от кучли 1,5 Turbo-GDI динамик двигатели; амалий фойдаланувчилар учун эса — CVT вариатори билан уйғунлашган, дақиқасига 6300 айланиш тезлигига эга 115 от кучли 1,5 MPI ишончли двигатели. Drive Mode Select ҳаракат режими танлаш тизими автомобилни ўзингизга маъқул ҳаракат услубига мослаштириш имконини беради.

Модел, шунингдек, қулайлик ва хавфсизликни таъминлашга қаратилган кенгайтирилган технологиялар ва функциялар тўпламига эга. Илғор ҳайдовчига ёрдам бериш тизимлари (ADAS) таркибига Stop&Go функциясига эга интеллектуал круиз-назорат (SCC), олдиндан тўқнашувнинг олдини олиш тизими (FCA), йўл чизиғидан чиқиб кетишнинг олдини олиш тизими (LKA), доира бўйлаб кўриш тизими (SVM) ва бошқалар киради.

Автомобил олтита хавфсизлик ёстиқчаси билан жиҳозланган: олд қўш ёстиқчалар, олд ён ёстиқчалар ҳамда хавфсизлик пардалари.

Электр созланадиган ҳайдовчи ўриндиғи, электр тўхтаб туриш тормози (EPB), барқарорлаштириш тизими (ESC) ва шиналардаги босимни назорат қилиш тизими (TPMS), тоғдан пастга тушиш (DBC) ва тоғга кўтарилишда ёрдамчи (HAC), олд ва орқа автотураргоҳ датчиклари, барча ғилдираклардаги дискли тормозлар ва бошқа жиҳозлар кундалик сафарларда шинамлик, қулайлик ва хавфсизлик даражасини оширади.

Ўзбекистонда Kia Carens кузовнинг 8 хил рангдаги вариантида, жумладан, янги фил суяги рангида (Ivory Silver Gloss) тақдим этилади. Интерьер комбинирланган: марказий қисми қора, юқори ва пастки қисмлари оч рангли қўшимчалар билан безатилган. Ўриндиқлар сунъий чарм билан қопланган. Барча материаллар истеъмолчи тажрибаси ҳисобга олинган ҳолда, юқори дид билан танланган.

Янгиланган Kia Carens 5 йил ёки 150 000 км юриш кафолатига эга (қайси бири аввал юзага келишига қараб).

Янги Kia Carens замонавий оилалар учун мўлжалланган бўлиб, премиум даражадаги бошқарув тажрибасини таклиф этади ва ҳозирда тўртта комплектацияда тақдим этилмоқда:

● Comfort — 339 900 000 сўм;

● Luxe — 369 900 000 сўм;

● Premium CVT — 429 900 000 сўм;

● Premium 7DCT — 449 900 000 сўм.

Kia Carens’нинг Ўзбекистон бозоридаги комплектациялари ва нархлари ҳақида батафсил маълумотни kia.uz сайтидан ёки бренднинг расмий дилерлик марказларидан олишингиз мумкин.

Телефон: (+998) 55-500-83-33

Сайт | Facebook | Instagram | Telegram | YouTube

Реклама ҳуқуқи асосида