Футбол бўйича жаҳон чемпионати якунланиши биланоқ ФИФА миллий жамоаларнинг янги рейтингини эълон қилди.
Ўзбекистон миллий жамоаси янгиланган рейтингда 10 поғона пастлаб, 1409.73 очко билан 60-ўриндан жой олди.
Рейтингни иккинчи марта жаҳон чемпионлигини қўлга киритган Испания миллий жамоаси бошқармоқда. Испанияликларнинг ўтган ойдаги очколарига 121.17 очко қўшилиб, жами очколари 1995.88 тага етди.
Жаҳон чемпионати финалида испанлардан мағлубиятга учраган Аргентина миллий жамоаси иккинчи ўринга тушди. Жамоанинг очколари сони 1970.37 тани ташкил этмоқда.
Франция 3-ўринда (1948.97 очко), Англия 4-ўринда (1922.83 очко) қолди.
Энг яхши ўсиш Норвегия миллий жамоасида бўлди (1651.29 очко). Столе Солбаккен шогирдлари бирданига 12 поғона юқорилаб, 31-ўриндан 19-ўринга кўтарилди.
Жаҳон чемпионатида муваффақиятсиз иштирок этган Осиё жамоалари орасида фақатгина Япония бир поғона юқорилаб, 17-ўринга жойлашди. Эрон икки поғона пастлаган бўлса (22-ўрин), Австралия бир поғона пастлаб 28-ўринга тушган. Жанубий Корея эса нақд 7 поғона пастлаб, 32-ўриндан жой олди.
Рейтингда қўшниларимиз Тожикистон 101-, Қирғизистон 106-, Қозоғистон 111- ва Туркманистон 141-ўринда жойлашди.
