Aneesh Anand томонидан Voronoi платформаси учун тайёрланган инфографикада 2026 йилда иқтисодий ўсиш суръатлари юқори бўлиши кутилаётган мамлакатлар кўрсатилган. Улар орасида асосан Осиё ва Африка давлатлари бор.
ХВЖ прогнозига кўра, 2026 йил якунлари бўйича жаҳон иқтисодиёти 3,1 фоизга ўсиши кутилмоқда. Геосиёсий беқарорлик, энергетика соҳасидаги силкинишлар ва ноаниқликнинг кучайишига қарамай, глобал иқтисодий ўсиш давом этиши прогноз қилинган.
Рўйхат етакчиси Гайанада реал ЯИМ ўсиши 22,3 фоизни ташкил этиши кутилмоқда. Бундай юқори суръат асосан мамлакат нефт секторининг кенгайиши билан боғлиқ.
Тайван иқтисодиёти учун эса 10,7 фоизлик ўсиш прогноз қилинган. Сунъий интеллект технологияларининг жадал ривожланиши ва технологик маҳсулотларга талабнинг ортиши бу ўсишни қўллаб-қувватлаётган омиллар сифатида кўрсатилган.
Африкада юқори ўсиш кутилaётган иқтисодиётлар орасида Жанубий Судан, Эфиопия ва Руанда ажралиб туради. Осиёда эса Тайвандан ташқари Қирғизистон, Ветнам ва Ўзбекистон ҳам қайд этилган.
Келтирилган кўрсаткичлар 2026 йил якунига доир прогнозлар бўлиб, ҳали қайд этилган якуний натижалар эмас.
