Ватандошлар энди гаровга олувчининг розилигини олиши, сўнг паспорт столига бориши ва навбат кутиши шарт эмас. Барча жараёнларни уйда ўтирган ҳолда, my.gov.uz орқали онлайн бажариш мумкин.
Хизматдан фойдаланиш учун MyGov'га кириб, қуйидаги хизмат номларидан бири ёзилади:
- Яшаш жойи бўйича (доимий) рўйхатдан ўтказиш: my.gov.uz/uz/service/363
- Турган жойи бўйича (вақтинча) рўйхатдан ўтказиш: my.gov.uz/uz/service/187
Эслатма: Мулкдор, гаровга олувчи ёки тақиқ қўйиш/бекор қилишга масъул органнинг ички ишлар органларига мурожаати асосида фуқаронинг рўйхатдан ўтказилганлиги бекор қилиниши мумкин.
Ушбу қулайлик Ўзбекистон президентининг 2026 йил 15 июлдаги ПҚ-265-сонли қарорига мувофиқ амалиётга жорий этилди.
