17 октябр куни дзюдо бўйича Ўзбекистон жамоаси аъзоси, Олимпиада ва Осиё чемпиони, Осиё ўйинлари ғолиби, Жаҳон чемпионати совриндори Диёра Келдиёрова (-52 кг) Қозоғистоннинг Ақтау шаҳри мезбонлик қилган халқаро турнирда олтин медални қўлга киритди.
Икки ярим йиллик танаффусдан сўнг татамига қайтган Келдиёрова турнир давомида барча рақибларини, жумладан, финалда озарбойжонлик Фарида Мирзаевани ҳам иппон баҳоси билан мағлуб этди.
Бу турнирдаги ғолиблик Келдиёровага жаҳон рейтинги учун 100 очко тақдим этди.
Диёра Келдиёрова 2024 йил ёзида Париж Олимпиадасида -52 кг вазн тоифасида олтин медални қўлга киритганди. У шундан кейин фарзандли бўлган ва ўтган икки ярим йилга яқин вақт ичида бир қатор йирик турнирларни, жумладан, 2026 йилги Осиё ўйинларини ўтказиб юборганди.
Энди у шу ой охирида Абу-Дабида бўлиб ўтадиган нуфузли халқаро турнирда иштирок этади.
