Грузиялик дзюдочи Акакий Жапаридзе германиялик дзюдочи Тимо Кавелиусни дўппослади, деб хабар берди Die Welt.
Хабарга кўра, грузин курашчиси жангда мағлубиятга учраган. Мағлубиятга чидолмаган Жапаридзе рақибига ташланиб, унга мушт туширган ва йиқилган курашчини яна бир неча марта урган.
2024 йилги Париж Олимпиадаси иштирокчиси бўлган Кавелиуснинг жағи ва иккита тиши синган. У шифохонага ётқизилган.
Ушбу ишни полиция кўриб чиқмоқда. Грузиялик дзюдочи бир умрга мусобақалардан четлатилиши мумкин.
Маълумот берилишича, Кавелиус 2028 йилги Олимпиада ўйинларига тайёргарлик кўраётган бўлган.
