Nazarboyev Moskvada bo‘lib o‘tadigan MDH davlatlari rahbarlari uchrashuvida ishtirok etadi

Kun.uz: Qozog‘iston prezidenti Nursulton Nazarboyev bu lavozimga qayta saylangandan so‘ng birinchi rasmiy safarini Rossiyaga uyushtiradi. Bu haqda Interfaks agentligi Qozog‘iston rahbarining matbuot xizmatiga tayangan holda ma'lumot bermoqda. “8 may kuni davlat rahbari MDH davlatlari rahbarlarining norasmiy uchrashuvida, shuningdek, Oliy Yevrosiyo iqtisodiy kengashida ishtirok etish uchun Moskva shahriga uchadi. 9 may kuni Qozog‘iston prezidenti Moskva shahrida G‘alaba Kuniga bag‘ishlab o‘tkaziladigan bayram tadbirlarida ishtirok etadi”, - deyiladi xabarnomada.