Rossiyadagi parad chog‘ida "Buk" raketa tizimi yona boshladi

Kecha Rossiyada Ikkinchi Jahon urushidagi g‘alabaning 70 yilligiga bag‘ishlab o‘tkazilgan parad chog‘ida harbiy marshda ishtirok etayotgan "Buk" zenit-raketa tizimi olov oldi.
Voqea Chita shahridagi marshda sodir bo‘ldi. Harbiy kolonna Jangovar va mehnat shuhrati yodgorligiga ketayotgan chog‘da mashinalardan birining ostidan o‘t chiqa boshladi. Bu voqea qayd qilingan videolavha internetga joylashtirildi.

Guvohlarning ma'lum qilishicha, olov o‘chirilgach, qurilma oldiga harbiy yuk mashinasi kelib, uni tirkamada olib ketgan.
Sharqiy harbiy okrug matbuot xizmatining “Chita” axborot agentligiga ma'lum qilishicha, vaziyat nazorat ostida bo‘lgan va odamlar hayotiga xavf tug‘ilmagan.