Pentagon Germaniyaga Shtutgartdagi harbiy bazani qaytarib beradi

AQSh Germaniyaning Shtutgart shahridagi o‘zining harbiy bazasining faoliyatini tugatmoqda. Bu haqda Pentagon bergan ma'lumotda aytilmoqda.

Baza 2015 yilda Germaniya hukumatiiga qaytarib beriladi. Qayd etilishicha, Shtutgartda ma'muriy bazaning joylashuvi AQSh Qurolli kuchlari ehtiyojlari nuqtai nazaridan ortiqcha hisoblanmoqda.

Shtutgartning markazida joylashgan bazada aloqa bo‘linmalari va qo‘riqlash tuzilmalari joylashgan.

Pentagon bazaning qaytarilishi AQShning ham, Germaniyaning ham milliy holatiga ta'sir ko‘rsatmaydi, deb ta'kidlamoqda.