"Bornmut" Gradelni o‘z safiga qo‘shib oladi

APL debyutantlaridan biri "Bornmut" jamoasi o‘z tarkibini kuchaytirishda davom etmoqda.

"Sent-Eten" jamoasining sobiq xavbeki va Kot-d`Ivuar terma jamoasi a'zosi Maks Gradel "Bornmut"ga o‘tishga rozi bo‘lgan.

L’Equipe nashrida xabar qilinishicha, 27 yoshli ushbu futbolchi ingliz jamoasida muvaffaqiyatli tarzda tibbiy ko‘rikdan o‘tgan va endi jamoa bilan 4 yillik shartnoma imzolaydi.

Biroz oldinroq, u Moskvaning "Lokomotiv" jamoasi taklifini rad etgandi.

Ma'lumot uchun Gradel o‘tgan mavsumda "Sent-Eten" tarkibida Fransiya chempionatining 31 o‘yinida ishtirok etib, 17ta gol urgan va 4ta golli pas uzatgandi.