Bild: «Liverpul» juma kuni Kloppning taqdimotini o‘tkazadi

“Borussiya D” klubining sobiq bosh murabbiyi Yurgen Klopp “Liverpul” jamoasi boshqaruvini o‘z qo‘liga olishga yaqin turibdi.

Bild nashrining yozishicha, germaniyalik 48 yoshli mutaxassis payshanba kuni mersisaydliklar bilan 3 yillik shartnoma imzolashi kutilmoqda.

Xabar qilinishicha, 9 oktabr kuni Klopp "mersisaydliklar" bosh murabbiyi sifatida ommaga tanishtiriladi.

Ma'lum qilinishicha, Klopp “Liverpul”da avvalgi ish joyi “Borussiya”dagidan ko‘proq maosh oladi. Uning jamoadagi yillik maoshi 3,6 million funtni tashkil qilishi aytilgan.

Bundan oldinroq, Klopp 8 oktabr kuni bitimga imzo chekish uchun Liverpul shahriga borishi xabar qilingandi.

Undan avvalroq esa, Klopp unga transfer siyosatida mustaqillik berilsa, «Liverpul»da ishlashga roziligi to‘g‘risida xabar qilingandi.