Google`da Apple va Facebook`dagi kabi yangiliklar platformasi tashkil etiladi

Google kompaniyasi o‘zining yangi Accelerated Mobile Pages xizmatini sinovdan o‘tkazmoqda. Bu xizmat foydalanuvchilari gazetalar sotib olmagan va saytlarga kirmagan holda yangiliklarni o‘qishi mumkin bo‘ladi.

Google taklif etadigan bu xizmati uchun Apple va Facebook`dan farqli ravishda yangiliklarini platformaga joylashtiradigan nashrlardan haq undirmaydi.

Ayni vaqtda ushbu xizmat sinov muddatida va u qachondan boshlab joriy etilishi noma'lum.

Qayd etish kerakki, The Washington Post nashri o‘quvchilarining 60 foizi yangiliklarni mobil qurilmalar orqali o‘qiydi va bunday loyihalarni qulayligi uchun qo‘llab-quvvatlaydi.

Google bu loyiha bo‘yicha gazetalar va jurnallardan tashqari, boshqa turdagi media-kontentlar bilan ham hamkorlik qilishni rejalashtirgan.