20 oktabr kuni Hindiston shimolidagi Jammu va Kashmir shtatidagi Baramulla okrugida jangarilar bilan harbiylar o‘rtasida otishma sodir etildi va 3 nafar harbiy jarohatlandi. Bu haqda mahalliy politsiya xabar bergan.
"Xavfsizlik xizmatlari xodimlari Bongam qishlog‘ini o‘rab olishgan. Bu hududda jangarilar guruhi joylashgani haqida ma'lumot olingan", deyiladi xabarda.
Ma'lum qilinishicha, bu hududga politsiya yetib kelishi bilanoq jangarilar o‘t ochishni boshlashgan. Otishma vaqtida jangarilardan biri o‘ldirilgan.
Bundan oldin hindistonlik askar tushunarsiz sababga ko‘ra, tinch aholi vakillaridan 4 nafarini otib tashlagani va keyin o‘z joniga qasd qilgani haqida xabar berilgandi.
Qayd etish kerakki, mamlakat shimolda jangarilar faol harakat qiladigan Pokiston bilan chegaradosh hisoblanadi.