Iroqda 2 marta portlash yuz berishi natijasida 20 kishi halok bo‘ldi

Iroqning Al-Miqdadiya shahrida yuz bergan 2ta portlash tufayli kamida 20 kishi halok bo‘ldi. Bu haqda Reyter agentligi xabar tarqatdi.

Birinchi portlash shahardagi kazino binosi oldida hudkush-terrorchi tomonidan amalga oshirilgan. Ikkinchi portlash esa ko‘chada qoldirilgan avtomobildagi portlovchi qurilma harakatga keltirilishi natijasida yuz bergan.

Bu teraktlar tufayli kamida 50 kishi jarohatlangani aytilmoqda.

Qayd etilishicha, bu shahar Iroq poytaxti Bag‘dod shahridan 80 km masofada joylashgan.

Bundan oldinroq, Bag‘doddagi savdo markazida noma'lum shaxslar 70 nafarga yaqin kishini garovga olgani haqida xabar berilgandi.