Bryusseldagi Zaventem aeroportida teraktdan keyin ilk reyslar amalga oshirildi

1 may kunidan boshlab 1 oydan ortiq vaqt davomida ishlamay turgan Belgiya poytaxti Bryussel shahridagi Zaventem xalqaro aeroporti faoliyati tiklandi.

22 mart kuni amalga oshirilgan teraktlardan keyin faoliyati to‘xtatib turilgan aeroportda bugun yana parvozlar amalga oshirilgan.

Ayni vaqtda aeroportda xavfsizlik choralari kuchaytirilgan holda qolmoqda, yo‘lovchilar alohida reyslar xizmatidangina foydalanishlari mumkin.

Zaventem aeroporti teraktdan keyin 12 kun davomida butunlay yopiq turgandi. Uning to‘la tartibda ishlay boshlashi iyun oyiga belgilangan.

Aeroport direksiyasi bayonotida aytilishicha, ayrim reyslarning yo‘lga qo‘yilishi ham belgiyaliklar uchun muhim. Bu ularda teraktlardan keyin yuzaga kelgan qo‘rquvni yo‘qotishda yordma berishi mumkin.

Eslatib o‘tamiz, 22 mart kuni tongida bu aeroportda 2ta terakt sodir etildi. Biroz o‘tib, Bryussel metrosining Maalbek metrosida portlash amalga oshirildi. Bu teraktlar tufayli jami 31 kishi halok bo‘lib, 300dan ortiq kishi jarohatlangan.

Jabrlanuvchilar 40 mamlakatga mansub kishilar bo‘lgan. Belgiyaning turli shifoxonalaridan ayni vaqtgacha teraktlar vaqtida jarohatlangan 150 kishi qolmoqda, ulardan 61 kishining ahvoli og‘ir.

Bundan oldinroq, 25 aprel kuni "Maalbek" metro bekatida teraktdan keyingi ilk qatnovlar amalga oshirilgani haqida xabar berilgandi.