Qirg‘iziston G‘alaba kuni munosabati bilan parad o‘tkazmaydi

2016 yil 9 may kuni Qirg‘iziston poytaxtida G‘alaba kuni munosabati bilan davlatning oliy lavozimli rahbarlari, urush faxriylari va jamoatchilik vakillari ishtirokida Ikkinchi jahon urushida halok bo‘lganlarni xotirlash marosimi bo‘lib o‘tadi. U kuni harbiy parad o‘tkazilmaydi, deb xabar qilmoqda RIA Novosti agentligi Bishkek shahar matbuot xizmati axborotiga asoslangan holda. 

Matbuot xizmatining xabariga ko‘ra, harbiy paradlar faqat yubiley yillarida o‘tkaziladi. Bu yilgi xotira mitingidan so‘ng, Respublika harbiy kuchlari bosh shtabi tomonidan tashkil etiladigan harbiy dala oshxonasidan askar bo‘tqasini ta'tib ko‘rish mumkin bo‘ladi. G‘alaba kuni munosabati bilan poytaxtda salyut beriladi. 
Bundan tashqari, shu kuni poytaxt shahri fuqarolari ishtirokida "O‘lmas polk" marshi ham bo‘lib o‘tishi rejalashtirilgan. 

Aprel oyi o‘rtalaridagi ma'lumotlarga ko‘ra, Qirg‘izistonda 821 nafar Ikkinchi jahon urushi qatnashchisidan tashqari 7 ming 997 nafar frontortida mehnat qilgan mehnat faxriysi istiqomat qiladi. 

Umuman, Ikkinchi jahon urushiga Qirg‘izistonning urush davridagi aholisining 6 nafardan biri, ya'ni 300 ming kishi safarbar etilgan, ularning 95 mingi qaytib kelmagan. 100ga yaqin qirg‘iz jangchisi vafotidan so‘ng yoki tirikligida sobiq ittifoq Qahramoni unvoniga sazovor bo‘lgan.