Klinton Nyu-Meksikodagi praymerizda ustunlik qildi

AQSh prezidentligi uchun Demokratlar partiyasidan nomzod bo‘lmish Hillari Klinton Nyu-Meksiko shtatida o‘tkazilgan praymerizda (birlamchi saylovlar) g‘alaba qilmoqda. Bu haqda AR xabar tarqatgan.

Demokratlarning birlamchi saylovlari Nyu-Meksikodan tashqari Kaliforniya, Montana, Nyu-Jyersi va Janubiy Dakotada o‘tadi, Shimoliy Dakotada esa kokuslar — partiya faollari yig‘ilishlari bo‘lib o‘tadi. Demokratlar 806 delegatni saralab oladi, shulardan 546 nafari — Kaliforniyadan, 142 nafari — Nyu-Jyersidan.

Kampaniyaning oxirgi kuni 14 iyun bo‘ladi — o‘shanda birlamchi saylovlar Kolumbiyada o‘tkazilib, milliy s'yezd uchun oxirgi 45 delegat saylanadi.

Birinchi bosqich yakunlangach, 25-28 iyul kunlari demokratlar Filadelfiyada (Pensilvaniya shtati) o‘tkaziladigan s'yezdda partiyaning AQSh prezidentligi uchun rasmiy nomzodini ilgari surishadi. AQShning sobiq birinchi xonimi uchun praymeriz quruq rasmiyatchilik, xolos. Hillari Klinton shu paytga qadar 2383 saylovchining qo‘llab-quvvatlashiga erishgan — bu rasman prezidentlikka nomzod ko‘rsatilishi uchun yetarli hisoblanadi.