Niderlandiyadagi qamoqxonalar mahbuslar kamligi tufayli tez orada yopilishi mumkin

2013 yilda Niderlandiyadagi 13ta  qamoqxona mamlakatda mahbuslar soni yetarlicha bo‘lmagani uchun yopilib ketdi. 2016 yil yozi so‘ngiga kelib yana beshta qamoqxonaning faoliyati tugatiladi. 2004 yildan beri Niderlandiyada jinoyat sodir etish holati keskin pasayib bormoqda. Tahlilchilar hisobiga ko‘ra, yaqin 5 yil ichida ko‘rsatkich har yili 90 foizga pasayishda davom etadi. 

Ushbu kichik mamlakatda bo‘m-bo‘sh turmalarni ushlab turish foydasiz. Biroq ularning yopilishi 2 mingga yaqin davlat xizmatchilarining ishdan bo‘shatilishiga sabab bo‘ladi. Shu sababli o‘tgan yili sentabrida muammoni hal etishga urinishdi va qamoqxonaning bir qismini Norvegiya va Belgiyadagi qamoqxonalar uchun «ijaraga berib turildi».

Biroq bu yondashuv vaziyatni yengillashtirmagan.

Jinoyat darajasining keskin tushib ketishiga sabab Niderlandiyadagi sobiq sudlanganlarning kaftiga qurilma ko‘rinishdagi elektron nazorat tizimi o‘rnatilganidir. Bunday apparat taqib yuruvchi jinoyatchilar jamiyatda erkin yashashi, yaxshi ishga joylashishi va o‘z oilasidan ajralmasligi mumkin.  
 
Bunday yondashuv an'anaviy ozodlikdan mahrum qilish tizimiga nisbatan eski jinoyat olamiga qaytish holatini keskin kamaytirishga yordam berdi. Qamoqxona kamerasida bekorga vaqt o‘tkazishdan ko‘ra, jinoyatchilar qonunga bo‘ysunuvchi jamiyatga qo‘shilish uchun ajoyib imkoniyatga ega bo‘lishadi.  

Niderlandiyada jazo emas, sobiq jinoyatchilarga odatiy hayotga qaytishlari uchun yordam berish muhim hisoblanadi.