Foto: Britaniyalik olimpiadachilar Hitrouda muammoga duch kelishdi

Rio Olimpiadasidan qaytgan Buyuk Britaniya olimpiya terma jamoasi a'zolari ijtimoiy tarmoqlarda Hitrou aeroportidagi yuklar o‘tkazish zalida paydo bo‘lgan tartibsizlik haqida ma'lum qilishdi. 

Muammoga britaniyalik sportchilarning anjomlari tarkibiga kiruvchi bir xil qizil rangdagi sumkalar sabab bo‘lgan. Bir-biriga o‘xshash ryukzaklar, chemodanlar yoki sumkalar barcha milliy terma jamoa formalarining ajralmas qismini tashkil qiladi, biroq aynan Buyuk Britaniya vakillari bu vaziyatga jiddiy e'tibor qaratishdi.

Britaniyalik gimnastikachi Rebekka Dauni, eshkak eshuvchi Aleks Gregori (Riodagi erkaklar to‘rtligida oltin medal olgan) va vindsyorfer Nik Dempsi (yelkanli sport turida kumush medal) kabi sportchilar o‘z o‘quvchilariga yuzlab bir xil sumkalar orasidan keraklisini axtarib topish naqadar qiyin kechganini aytib o‘tishgan.

«Sumkamni topish poygada g‘olib chiqishdan ko‘ra qiyinroq», — deya yozgan tvitteriga akademik eshkak eshish bo‘yicha Olimpiada chempioni Mett Lengridj.

«Mening sumkam — qizil!», — deya hazillashgan 3ta medal bilan qaytgan vindsyorfingchi Nik Dempsi.

Braziliyadagi Olimpiada o‘yinlarida britaniyalik sportchilar umumiy medallar hisobi bo‘yicha faqat AQSh vakillaridan ortda qolgan holda ikkinchi pog‘onani zabt etishga muvaffaq bo‘lishdi.