Turkiyada yana terakt. 11 kishi halok bo‘lib, 78 kishi jarohatlandi

26 avgust, juma kuni Turkiya janubi-sharqidagi Shirnak viloyatining Jizra shahrida joylashgan politsiya nazorat-o‘tkazish punktida portlash sodir etildi.

Anadolu agentligi xabariga ko‘ra, portlash oqibatida 11 nafar politsiya xodimi qurbon bo‘ldi, yana 78 kishi jarohat olgan holda shifoxonaga yotqizildi.

Aniqlik kiritilishicha, portlovchi moddalar o‘rnatilgan avtomobil portlagan. Portlash yaqinidagi nazorat-o‘tkazish punkti joylashgan bino butunlay vayron bo‘lgan.

Turkiyaning Shirnak viloyati Suriya va Iroq bilan chegaradosh bo‘lib, u yerda asosan kurdlar istiqomat qiladi.

Turkiya hukumati bu terakt uchun javobgarlikni Kurdiston ishchilar partiyasi zimmasiga yuklamoqda.