Germaniya va Finlyandiya terma jamoalari o‘rtasidagi o‘rtoqlik uchrashuvi germaniyalik yarim himoyachi Bastian Shvaynshtayger uchun milliy terma jamoa safidagi so‘nggi uchrashuv bo‘ldi.
Futbolchi jamoadoshlarini oxirgi marta maydonga boshlab tushdi. U hakamning o‘yinni boshlash haqidagi hushtagi chalinishi oldidan ko‘z yoshlarini tiya olmadi.
O‘yinning 68-daqiqasida 32 yoshli futbolchi o‘rniga maydonga Yulian Vaygl tushdi.
Shvaynshtayger Germaniya terma jamoasi sharafini 12 yil davomida himoya qildi. Bu vaqt davomida u 121ta o‘yin o‘tkazdi. U 2014 yilda Germaniya terma jamoasi bilan jahon chempioni bo‘ldi.
Manba: Tribuna.uz
