Fidel Kastro Eron prezidenti bilan xalqaro maydondagi vaziyatni muhokama qildi

Eron prezidenti Hasan Ruhoniy Kuba inqilobi ilhomchisi Fidel Kastro hamda uning ukasi, mamlakatning hozirgi rahbari Raul Kastro bilan uchrashdi.

Eron rahbarining matbuot xizmati xabariga ko‘ra, bu taniqli shaxslarning uchrashuvi Kastroning uyida ro‘y bergan.

Kuba milliy televideniyesining ma'lum qilishicha, Fidel Kastro va Eron yetakchisi murakkab xalqaro vaziyatni tahlil qilib, iqlim o‘zgarishlari xavf solayotgan dunyoda oziq-ovqat ishlab chiqarilishi muhimligini ta'kidladi.

Ruhoniy 2006 yilda akasi betob bo‘lgach, boshqaruvni qo‘lga olgan Raul Kastro bilan alohida uchrashgan. Ular ikki mamlakat o‘rtasidagi munosabatlar yuzasidan fikrlar almashishgan.

Eron rahbari Venesueladagi sammitdan so‘ng Kubaga keldi. Venesuela hozirda Kubaning asosiy savdo sherigi hisoblanadi.

Shuningdek, tashrif davomida Kuba va Eron sog‘liq vazirlari Roberto Morales Oxeda hamda Hasan Hoshimiy tomonidan o‘zaro shartnoma imzolangan.