"Chegarasiz shifokorlar": Halabga berilgan zarbalarda 23 kishi halok bo‘ldi

So‘nggi kunlarda Halabning sharqiy hududlariga berilgan aviazarbalar 23 nafar insonning umriga zomin bo‘lgan, 145 nafari jarohatlangan. "Chegarasiz shifokorlar" (Medecins Sans Frontieres, MSF) insonparvarlik tashkiloti vakillari shunday ma'lumot bergan.

"Oxirgi ikki kunda MSF ko‘mak berayotgan shifoxonalar 145 jabrlanuvchini qabul qilgan, 23 marta o‘lim holatini qayd etgan", - deyiladi Nyu Yorkda tarqatilgan xabarda. 

Aniqlik kiritilishicha, MSF Halabda 8ta shifoxonaga yordam ko‘rsatadi. Tashkilot Suriya shimolida ham 8ta tibbiyot muassasasini boshqarib, mamlakat bo‘ylab umumiy hisobda 150dan ortiq shifoxona va tibbiyot markazlariga bevosita ko‘mak beradi.