Abdulaziz Komilov “Markaziy Osiyo – Yevropa Ittifoqi” shaklidagi mintaqalararo uchrashuvida ishtirok etdi

2016 yilning 4 oktabr kuni O‘zbekiston Respublikasi Tashqi ishlar vaziri Abdulaziz Komilov boshchiligidagi delegatsiya Bryussel shahrida “Markaziy Osiyo – Yevropa Ittifoqi” shaklidagi mintaqalararo uchrashuvda ishtirok etdi. Bu haqda O‘zbekiston TIV sayti xabar bergan.

Qirg‘iziston, Qozog‘iston, Tojikiston, Turkmaniston, O‘zbekiston va Yevroittifoqning tashqi siyosat idoralari rahbarlari tomonidan iqtisodiy rivojlanishning turli jabhalariga urg‘u bergan holda hamkorlikning hozirgi holati va istiqbollari muhokama qilindi.

Yalpi majlis doirasida hamda boshqa shakllarda mintaqaviy va xalqaro muammolar, xavfsizlik va ekstremizmga qarshi kurash masalalari yuzasidan fikr almashildi.