Nigerda chorvadorlar va fermerlar o‘rtasidagi to‘qnashuvda 18 kishi halok bo‘ldi

Niger hukumati chorvadorlar va fermerlar o‘rtasidagi to‘qnashuv oqibatida kamida 18 kishi halok bo‘lganini ma'lum qildi, deb xabar bermoqda Reuters axborot agentligi.  

Bundan tashqari, to‘qnashuvlarda 20 ga yaqin kishi jabrlangan. Ta'kidlanishicha, voqea Nigeriya bilan chegaradagi Banji qishlog‘ida bir chorvadorning chorvasi fermerlardan birining dalasini payhon qilgandan keyin yuz bergan.

Nizoni bostirish uchun politsiya aralashuvi talab qilingan.

"Ko‘chmanchi chorvadorlar fermer bilan mushtlasha boshlashgan va unga jarohat yetkazishgan. U tibbiyot markaziga yetkazilgan. Hammasi ana shundan boshlangan", deb ma'lum qildi Banji meri Umaru Muhaman.

Bundan tashqari, to‘qnashuvlar oqibatida 15 ga yaqin uy yoqib yuborilgan.