Britaniya bosh vaziri parlamentni Brexit’ning qonuniyligini tan olishga chaqirdi

Buyuk Britaniya bosh vaziri Tereza Mey parlamentni "xalq qarorini" qo‘llab-quvvatlab, mamlakatning Yevropa Ittifoqidan chiqishini ma'qullashga chaqirdi, deb xabar bermoqda The Financial Times.

Meyning aytishicha, agar hukumatning apellyatsiyasi London oliy sudida qabul qilinmasa va hukumat parlament tomonidan ma'qullovni kutishga majbur bo‘lsa, unda Britaniya voqealar rivojining eng yomon variantiga duch keladi.

Meyning ta'kidlashicha, u mamlakatning Yevropa Ittifoqidan chiqishini o‘z maqsadi deb hisoblaydi.